Gizonduz-ek ekintza multzoa jasotzen du hiru helbururi lotuak:
1. helburua: Emakumeen eta gizonen arteko berdintasunaren alde sentikortutako gizonen kopurua handitzea.
Neurriak:
1.1 Sexuen arteko berdintasunaren esparruan gizonei berariaz zuzendutako kontzientziazio-kanpainak egitea. Kanpainak gizonen ekarpenen garrantziari eta berdintasunak gizonei ekar diezazkiekeen onurei buruzkoak izango dira, eta gizonek emakumeen aurkako indarkeriari dagokionez jarrera aktiboa izatea erraztea ere izango dute helburu.
1.2 Maskulinotasunari eta eguneroko bizitzari buruzko nazioarteko batzarra antolatzea, Sare Topaketen esparruan.
1.3 Maskulinotasuna Berdintasunerako Naro Foroaren lehentasunezko eduki tematikoei eranstea.
1.4 Berdintasunaren aldeko gizonen taldeak eta tailerrak sustatzeko diru-laguntzak ematea.
1.5 Berdintasunaren aldeko eta emakumeen aurkako indarkeriaren kontrako euskal gizonen karta egitea, zabalpena ematea eta gizon gehiago hari atxikitzea.
1.6 Berdintasunaren aldeko eta emakumeen aurkako indarkeriaren kontrako euskal gizonen kartaren edukiak lantzea, eskoletan, gazteen elkarteetan, kirol erakundetan eta gizon gazteez eta umeez arduratzen diren taldeetan. Hori guztia, haiengandik berdintasunaren aldeko jarrera positiboak lortze aldera.
1.7 www.euskadi.net web gunean gizonei eta sexuen arteko berdintasunari buruzko atari espezializatua sortzea.
1.8 Gizonentzako berariazko sentikortze-programa martxan jartzea, maskulinotasunarekin eta eguneroko bizitzarekin erlazionatutako gaiak (osasuna eta zainketak, erantzukidetasuna, aitatasuna, sexualitatea, indarkeria eta mikromatxismoak, e.a.) modu errazean eta dibulgatzailean lantzeko.
1.9 Aitei, lehen seme-alabak jaiotzen direnean, eskuliburu bat eta bestelako sentikortze-materialak ematea. Material horiek osatuko duten materialek zaintzari eta aitatasunari buruzko zenbait alderdi praktikori buruzko jarraibideak emango dituzte, eta, halaber, aitaren irudiak balore ez-sexistak transmititzeko garaian duen eraginari buruzko gogoeta egiteko gakoak emango dituzte.
1.10 Lehendakaria buru duen ekitaldi publiko bat antolatzea, Gizonduz ekimenean nolabaiteko parte-hartzea izan duten pertsonei eskerrak emateko.
2. helburua: Emakumeen eta gizonen arteko berdintasunaren esparruan trebakuntza duten gizonen kopurua handitzea
Neurriak:
2.1 Ekintza positiboak aurrera eramatea, gizonek erraztasun handiagoa izan dezaten HAEEk euskal administrazio publikoetako langileentzako antolatutako trebakuntza-ikastaroetan parte hartzeko.
2.2 Ekintza positiboak aurrera eramatea, gizonek emakumeen eta gizonen arteko berdintasunaren esparruan espezializatutako masterrak edo bestelako unibertsitate-graduondokoak eskuragarriago izan ditzaten.
2.3 Gizonentzat emakumeen eta gizonen arteko berdintasunari buruzko trebakuntza-programa bat martxan jartzea, besteak beste ondorengo gaiak landuko dituena: genero harremanak eta maskulinotasun berriak, eta maskulinotasun tradizionalak dakartzan ondorioak osasunean , zaintzan, sexualitatean, indarkerian eta lege-hausturetan , etxeko lanean erantzukidetasunari dagokionez eta arriskua hartzearekin lotutako jarrerei dagokienez .
2.4 Gizonduz ekimenaren, bere emaitzen eta bertan sortutako dibulgazio- eta trebakuntza-materialen berri ematen duen dokumentu bat egitea eta zabaltzea.
3. helburua: Gizonek etxeko lanetan eta pertsonen zaintzan duten erantzukidetasuna handitzea.
Neurriak:
3.1 Autonomia Erkidegoko Administrazio Orokorreko eta bere organismo autonomoetako langileei erditzeko prestakuntza-ikastaroetara bertaratzeko baimena ematea (amarenarekin bateragarria).
3.2 Gizonduz ekimeneko sentikortze- eta trebakuntza-programetan parte hartu duten gizonei (Autonomia Erkidegoko Administrazio Orokorrean edota bere erakunde autonomoetan lan egiten dutenei) aitatasun-baimena hedatzea.
3.3 Erditze-baimena bi edota lau asterako eskatu duten Autonomia Erkidegoko Administrazio Orokorreko eta bere organismo autonomoetako gizonezko langileei astebetez edota bi astez hedatzea, hurrenez hurren.
3.4 Gizonduz ekimeneko sentikortze- eta trebakuntza-programetan parte hartu duten gizonei (Autonomia Erkidegoko Administrazio Orokorrean eta bere erakunde autonomoetan lan egiten dutenei) gaixotasun kronikoa edota mugikortasun-arazoak dituzten senideak zaintzeko baimenaren ordu-kreditua hedatzea.
3.5 Aurreko ataletan aipatutako neurriak edota gizonak etxeko lanetan eta zaintza-lanetan erantzukide izatera bideratutako neurriak gainerako erakunde publikoetan eta sektore pribatuan ezartzea sustatzea.
